ಬಿಹಾರ: ಪ್ರೀತಿಯಲ್ಲಿ ಬಿದ್ದವರು ತಮ್ಮ ಪ್ರೀತಿಯನ್ನು ಉಳಿಸಿಕೊಳ್ಳಲು ನಾನಾ ರೀತಿಯ ಸಾಹಸಗಳನ್ನು ಮಾಡುವುದನ್ನು ಕೇಳಿದ್ದೇವೆ.
ಆದರೆ ಬಿಹಾರದ ಗ್ರಾಮವೊಂದರಲ್ಲಿ ಯುವತಿಯೊಬ್ಬಳು ತನ್ನ ಪ್ರಿಯಕರನನ್ನೇ ಮದುವೆಯಾಗಲು ರೂಪಿಸಿದ್ದಾಳೆ ಎನ್ನಲಾದ ಯೋಜನೆ ಇದೀಗ ಗ್ರಾಮದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.ಮಧ್ಯರಾತ್ರಿ ಪ್ರಿಯಕರನನ್ನು ಮನೆಗೆ ಕರೆಸಿಕೊಂಡಿದ್ದ ಯುವತಿ, ಮನೆಯವರಿಗೆ ಸಿಕ್ಕಿಬಿದ್ದ ಬಳಿಕವೂ ತನ್ನ ನಿರ್ಧಾರದಿಂದ ಹಿಂದೆ ಸರಿಯದೆ, ಕೊನೆಗೆ ಗ್ರಾಮಸ್ಥರ ಸಮ್ಮುಖದಲ್ಲೇ ಆತನನ್ನು ಮದುವೆಯಾಗಿರುವ ಘಟನೆ ನಡೆದಿದೆ ಎನ್ನಲಾಗಿದೆ
.ಏನಿದು ಘಟನೆ?ಮಾಹಿತಿಯ ಪ್ರಕಾರ, ಬಿಹಾರದ ಗ್ರಾಮವೊಂದರ ಯುವತಿ ತನ್ನ ಪ್ರಿಯಕರನಿಗೆ ಮಧ್ಯರಾತ್ರಿ ಮನೆಗೆ ಬರುವಂತೆ ಕರೆಸಿಕೊಂಡಿದ್ದಳು. ಇಬ್ಬರೂ ಮನೆಯೊಳಗೆ ಏಕಾಂತದಲ್ಲಿದ್ದ ವೇಳೆ ಕುಟುಂಬಸ್ಥರಿಗೆ ಅನುಮಾನ ಮೂಡಿದೆ. ಬಳಿಕ ಮನೆಯವರು ಇಬ್ಬರನ್ನೂ ಹಿಡಿಯಲು ಮುಂದಾದಾಗ ಯುವಕ ಅಲ್ಲಿಂದ ತಪ್ಪಿಸಿಕೊಂಡು ಓಡಿದ್ದಾನೆ ಎನ್ನಲಾಗಿದೆ
.ಆತನನ್ನು ಬೆನ್ನಟ್ಟಿದ ಕುಟುಂಬಸ್ಥರು ಹಾಗೂ ಗ್ರಾಮಸ್ಥರು ಸಮೀಪದ ಹೊಲದಲ್ಲಿ ಯುವಕನನ್ನು ಸುತ್ತುವರಿದು ಹಿಡಿದಿದ್ದಾರೆ.ಪ್ರಿಯಕರನನ್ನೇ ಮದುವೆಯಾಗುವುದಾಗಿ ಪಟ್ಟುಯುವಕನನ್ನು ಗ್ರಾಮಸ್ಥರು ವಿಚಾರಿಸುತ್ತಿದ್ದ ಸ್ಥಳಕ್ಕೆ ಬಂದ ಯುವತಿ, ಎಲ್ಲರ ಎದುರಲ್ಲೇ ತನ್ನ ಪ್ರಿಯಕರನನ್ನು ತಬ್ಬಿಕೊಂಡು, ತಾನು ಮದುವೆಯಾಗುವುದಾದರೆ ಇದೇ ಯುವಕನನ್ನೇ ಮದುವೆಯಾಗುವುದಾಗಿ ಹೇಳಿದ್ದಾಳೆ ಎನ್ನಲಾಗಿದೆ.
ಕುಟುಂಬಸ್ಥರು ತಮ್ಮ ಪ್ರೀತಿಗೆ ಒಪ್ಪುವುದಿಲ್ಲ ಎಂಬ ಕಾರಣದಿಂದ ಇಬ್ಬರೂ ಗ್ರಾಮಸ್ಥರ ಕೈಗೆ ಸಿಕ್ಕುವಂತಹ ಪರಿಸ್ಥಿತಿ ನಿರ್ಮಾಣವಾಗುವಂತೆ ಯುವತಿಯೇ ಮೊದಲೇ ಯೋಜನೆ ರೂಪಿಸಿದ್ದಳು ಎಂಬ ಮಾತುಗಳು ಗ್ರಾಮದಲ್ಲಿ ಕೇಳಿಬಂದಿವೆ. ಆದರೆ ಈ ಬಗ್ಗೆ ಅಧಿಕೃತವಾಗಿ ಯಾವುದೇ ದೃಢೀಕರಣ ಲಭ್ಯವಾಗಿಲ್ಲ.ಹೊಲದಲ್ಲೇ ನಡೆದ ವಿವಾಹಪರಿಸ್ಥಿತಿ ಗಂಭೀರವಾಗುತ್ತಿದ್ದಂತೆ ಗ್ರಾಮದ ಹಿರಿಯರು ಮಧ್ಯಸ್ಥಿಕೆ ವಹಿಸಿದ್ದು, ಇಬ್ಬರನ್ನೂ ಮದುವೆ ಮಾಡಿಸಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.
ಬಳಿಕ ಮಧ್ಯರಾತ್ರಿಯಲ್ಲೇ ಸಮೀಪದ ಹೊಲದಲ್ಲಿ ಗ್ರಾಮಸ್ಥರ ಸಮ್ಮುಖದಲ್ಲಿ ಇಬ್ಬರ ವಿವಾಹ ನೆರವೇರಿದೆ ಎಂದು ವರದಿಯಾಗಿದೆ.ಮದುವೆಯ ಬಳಿಕ ಯುವತಿ ತನ್ನ ಪ್ರಿಯಕರನಿಗೆ, ಮುಂದಿನ ದಿನಗಳಲ್ಲಿ ತನ್ನನ್ನು ಚೆನ್ನಾಗಿ ನೋಡಿಕೊಳ್ಳುತ್ತೀಯಾ? ನಿಮ್ಮ ತಂದೆ-ತಾಯಿ ನನ್ನನ್ನು ಏನೂ ಮಾಡುವುದಿಲ್ಲ ತಾನೇ? ಎಂದು ಕೇಳಿದ್ದಾಳೆ ಎನ್ನಲಾಗಿದೆ.
ಇದಕ್ಕೆ ಯುವಕ ಕಣ್ಣೀರಿಡುತ್ತಲೇ ತಲೆಯಾಡಿಸಿ, ಯಾರೂ ಏನೂ ಮಾಡುವುದಿಲ್ಲ ಎಂದು ಸಮಾಧಾನಪಡಿಸಿದ್ದಾನೆ ಎನ್ನಲಾಗಿದೆ.ಯುವತಿಯ ಮುಖದಲ್ಲಿ ಮದುವೆಯ ಸಂತೋಷ ಕಾಣಿಸಿಕೊಂಡರೆ, ಮತ್ತೊಂದೆಡೆ ಯುವಕ ಭಾವುಕರಾಗಿ ಕಣ್ಣೀರಿಟ್ಟ ದೃಶ್ಯ ಗ್ರಾಮಸ್ಥರ ಗಮನ ಸೆಳೆದಿದೆ ಎಂದು ಹೇಳಲಾಗಿದೆ.
ಸದ್ಯ ಈ ವಿಶಿಷ್ಟ ಪ್ರೇಮಕಥೆ ಹಾಗೂ ಮಧ್ಯರಾತ್ರಿಯಲ್ಲಿ ಹೊಲದಲ್ಲೇ ನಡೆದ ವಿವಾಹದ ವಿಚಾರ ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
About the Author
