ಗದಗ:ಗದಗ ಜಿಲ್ಲೆಯ ಹಾಲು ಉತ್ಪಾದನೆಯಲ್ಲಿ ಗದಗ ತಾಲೂಕು ಅತ್ಯಂತ ಪ್ರಮುಖ ಪಾತ್ರ ವಹಿಸುತ್ತಿದ್ದು, ಇಡೀ ಜಿಲ್ಲೆಯಲ್ಲೇ ಅತಿ ಹೆಚ್ಚು ಹಾಲು ಶೇಖರಣೆಯಾಗುವ ಮೂಲಕ ಮುಂಚೂಣಿಯಲ್ಲಿದೆ ಎಂದು ಧಾರವಾಡ ಹಾಲು ಒಕ್ಕೂಟದ ಮಾಜಿ ಅಧ್ಯಕ್ಷರು ಹಾಗೂ ಹಾಲಿ ನಿರ್ದೇಶಕರಾದ ಹೆಚ್.ಜೆ. ಹಿರೇಗೌಡರ ತಿಳಿಸಿದ್ದಾರೆ.
ಧಾರವಾಡ ಹಾಲು ಒಕ್ಕೂಟದ ಗದಗ ಉಪಕಚೇರಿಯಲ್ಲಿ ಹಮ್ಮಿಕೊಳ್ಳಲಾಗಿದ್ದ ಗದಗ ತಾಲೂಕಿನ ಎಂಪಿಸಿಎಸ್ (ಹಾಲು ಉತ್ಪಾದಕರ ಸಹಕಾರ ಸಂಘಗಳ) ಪ್ರಗತಿ ಪರಿಶೀಲನಾ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡುತ್ತಿದ್ದರು.ತಾಲೂಕಿನ ಹೈನುಗಾರಿಕೆ ಚಿತ್ರಣ:ಸಹಕಾರ ಸಂಘಗಳು: ಗದಗ ತಾಲೂಕಿನಲ್ಲಿ ಒಟ್ಟು ೩೬ ಹಾಲು ಉತ್ಪಾದಕರ ಸಹಕಾರ ಸಂಘಗಳಿದ್ದು, ಇವುಗಳಲ್ಲಿ ೧೧ ಮಹಿಳಾ ಹಾಲು ಉತ್ಪಾದಕರ ಸಹಕಾರ ಸಂಘಗಳು ಸೇರಿವೆ
.ಸದಸ್ಯರ ಒಕ್ಕೂಟ: ಈ ಸಂಘಗಳಿಗೆ ಪ್ರತಿದಿನ ಸರಾಸರಿ ೧೧೯೩ ಜನ ಸದಸ್ಯರು ಹಾಲನ್ನು ಪೂರೈಸುತ್ತಿದ್ದಾರೆ.ದೈನಂದಿನ ಶೇಖರಣೆ: ನಿತ್ಯ ಸರಾಸರಿ ೧೦,೩೦೦ ಲೀಟರ್ ಹಾಲು ಶೇಖರಣೆಯಾಗುತ್ತಿದ್ದು, ಇಡೀ ಗದಗ ಜಿಲ್ಲೆಯಲ್ಲಿಯೇ ಗದಗ ತಾಲೂಕು ಅತಿ ಹೆಚ್ಚು ಹಾಲು ಸಂಗ್ರಹಿಸುವ ಮೂಲಕ ಅಗ್ರಸ್ಥಾನದಲ್ಲಿದೆ. ಈ ಸಾಧನೆಗಾಗಿ ಅವರು ಎಲ್ಲಾ ಹಾಲು ಉತ್ಪಾದಕ ರೈತರಿಗೆ ಅಭಿನಂದನೆಗಳನ್ನು ಸಲ್ಲಿಸಿದರು.
ರೈತರಿಗೆ ಮತ್ತು ಸಿಬ್ಬಂದಿಗೆ ಸಿಗುವ ಸೌಲಭ್ಯಗಳು:ರೈತರ ಪ್ರಗತಿಗಾಗಿ ರಿಯಾಯಿತಿ ದರದಲ್ಲಿ ಪಶು ಆಹಾರ, ಖನಿಜ ಮಿಶ್ರಣ, ಗುಣಮಟ್ಟದ ಮೇವಿನ ಬೀಜಗಳು, ಪಶು ವೈದ್ಯಕೀಯ ಸೌಲಭ್ಯ ಹಾಗೂ ರಾಸುಗಳಿಗೆ ವಿಮೆ ಮಾಡಿಸುವ ಸೌಲಭ್ಯಗಳನ್ನು ನೀಡಲಾಗುತ್ತಿದೆ. ಇದರೊಂದಿಗೆ, ಕಡಿಮೆ ವೇತನದಲ್ಲಿ ಕಾರ್ಯನಿರ್ವಹಿಸುವ ಹಾಲು ಉತ್ಪಾದಕರ ಸಹಕಾರ ಸಂಘಗಳ ಸಿಬ್ಬಂದಿಗಳಿಗೆ ಒಕ್ಕೂಟದ ವತಿಯಿಂದ ವಿಶೇಷ ಪ್ರೋತ್ಸಾಹಧನ ನೀಡಲಾಗುತ್ತಿದೆ ಎಂದು ಹಿರೇಗೌಡರ ವಿವರಿಸಿದರು.
ಪಾರದರ್ಶಕತೆಗೆ ಎನ್ಡಿಡಿಬಿ ಏಕರೂಪ ತಂತ್ರಾಂಶ (Software):ಸಭೆಯಲ್ಲಿ ಉಪಸ್ಥಿತರಿದ್ದ ಧಾರವಾಡ ಹಾಲು ಒಕ್ಕೂಟದ ವ್ಯವಸ್ಥಾಪಕ ಡಾ. ಸುರೇಶ ತಲ್ಲೂರ ಅವರು ಮಾತನಾಡಿ, ಎನ್ಡಿಡಿಬಿ (NDDB) ಅಭಿವೃದ್ಧಿಪಡಿಸಿರುವ ಏಕರೂಪ ತಂತ್ರಾಂಶವನ್ನು ಅಳವಡಿಸಿಕೊಳ್ಳುವಂತೆ ತಿಳಿಸಿದರು.”ಈ ಹೊಸ ತಂತ್ರಾಂಶದಿಂದ ವ್ಯವಸ್ಥೆಯಲ್ಲಿ ಇನ್ನಷ್ಟು ಪಾರದರ್ಶಕತೆ ತರಲು ಸಾಧ್ಯವಾಗುತ್ತದೆ. ಹಾಲು ಪೂರೈಸುವ ಪ್ರತಿ ರೈತರ ಮೊಬೈಲ್ಗಳಿಗೆ ಹಾಲಿನ ಪ್ರಮಾಣ, ದರ ಹಾಗೂ ಒಟ್ಟು ಮೊತ್ತದ ಬಗ್ಗೆ ತಕ್ಷಣ ಸಂದೇಶ (SMS) ಹೋಗುತ್ತದೆ. ಇದರಿಂದ ರೈತರಿಗೆ ಸಹಕಾರ ಸಂಘಗಳ ಮೇಲೆ ವಿಶ್ವಾಸ ಹೆಚ್ಚಲಿದ್ದು, ಹೈನುಗಾರಿಕೆ ಮತ್ತಷ್ಟು ಅಭಿವೃದ್ಧಿ ಹೊಂದಲು ಪೂರಕವಾಗಲಿದೆ.”— ಡಾ. ಸುರೇಶ ತಲ್ಲೂರ,
ವ್ಯವಸ್ಥಾಪಕರುಪ್ರಮುಖ ಅಧಿಕಾರಿಗಳ ಮಾರ್ಗದರ್ಶನ:ಡಾ. ಪ್ರಸನ್ನ ಪಟ್ಟೇದ (ಗದಗ ಜಿಲ್ಲಾ ಮುಖ್ಯಸ್ಥರು, ಧಾರವಾಡ ಹಾಲು ಒಕ್ಕೂಟ): ರಾಸುಗಳಿಗೆ ಗುಣಮಟ್ಟದ ಪಶು ಆಹಾರವನ್ನು ನೀಡಿ, ಅದರಿಂದ ಉತ್ತಮ ಗುಣಮಟ್ಟದ ಹಾಲನ್ನು ಪಡೆಯುವ ವಿಧಾನಗಳ ಕುರಿತು ರೈತರಿಗೆ ಮಾಹಿತಿ ನೀಡಿದರು.
ದಯಾನಂದ ಕಾ. ಹುಗ್ಗಿ (ನಿರ್ದೇಶಕರು, ಧಾರವಾಡ, ಗದಗ ಮತ್ತು ಉತ್ತರಕನ್ನಡ ಜಿಲ್ಲಾ ಹಾಲು ಉತ್ಪಾದಕರ ಮತ್ತು ನೌಕರರ ಕಲ್ಯಾಣ ಸಂಘ): ಕಲ್ಯಾಣ ಸಂಘದ ಸದಸ್ಯರ ಸಂಖ್ಯೆಯನ್ನು ಹೆಚ್ಚಿಸುವಂತೆ ಕರೆ ನೀಡಿದ ಅವರು, ಸಂಘದಿಂದ ದೊರೆಯುವ ವಿವಿಧ ಸೌಲಭ್ಯಗಳ ಬಗ್ಗೆ ಸವಿಸ್ತಾರವಾಗಿ ವಿವರಿಸಿದರು.ಕಿರಣಕುಮಾರ ಅ.
ಹುಗ್ಗಿ (ವಿಸ್ತರಣಾ ಸಮಾಲೋಚಕರು, ಗದಗ ತಾಲೂಕು): ಎಲ್ಲಾ ಸಂಘದವರು ಆಗಸ್ಟ್ ೨೦ರ ಒಳಗಾಗಿ ಲೆಕ್ಕ ಪರಿಶೋಧನೆ (Audit) ಮಾಡಿಸಬೇಕು ಹಾಗೂ ಸೆಪ್ಟೆಂಬರ್ ೧೫ರ ಒಳಗಾಗಿ ವಾರ್ಷಿಕ ಸಾಮಾನ್ಯ ಸಭೆಯನ್ನು ಜರುಗಿಸಿ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳಿಗೆ ವರದಿ ನೀಡಬೇಕು ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಿದರು.ಕಾರ್ಯಕ್ರಮದಲ್ಲಿ ಅಧಿಕಾರಿಗಳು ವಿಷಯಗಳನ್ನು ಹಂಚಿಕೊಂಡ ನಂತರ ಸೂಕ್ತ ರೀತಿಯಲ್ಲಿ ಕಾರ್ಯಕ್ರಮ ನಿರೂಪಿಸಿ,
ವಂದನಾರ್ಪಣೆಯೊಂದಿಗೆ ಸಭೆಯನ್ನು ಮುಕ್ತಾಯಗೊಳಿಸಲಾಯಿತು.
About the Author
